2015-04-10 05:12
روت علياء جابر محمد، مصرية عائدة من اليمن، تفاصيل عودتها على يد الجيش الهندي،وأن السفارة المصرية جعلتهم يوقعون علي إقرار بدفع ثمن التذاكر عقب عودتهم لمصر .
وضحت علياء أن الهند أرسلت سفينة حربية لإجلاء رعاياها، وقررت «أن تأخذ قرارًا إنسانيًا يكتب في تاريخها وتنقذ الجنسيات الأخرى (بدون أى تفرقة) وتأخذ المصريين معها لجيبوتى»، وفقًا لقولها.
وقالت علياء، عبر صفحتها على موقع «فيس بوك»: «الجيش الهندى رجال، رجال قوي، هما سبب أن أنا لسه عايشه لحد دلوقتى بعد إرادة ربنا، الجيش الهندي نقلنا للسفينة ونزلنا الغرف اللي المفروض الجيش ينام فيها، ونيمونا إحنا مكانهم وفضلوا هما صاحيين يقدموا لنا خدمه فايف ستارز بلس، جابوا لنا عشاء وعصائر ولبن وأدوية وأطباء للناس التعبانة لحد ما ننام».
وتابعت، علياء، والتي تعمل في فندق سويس باليمن، تفاصيل مساعدة الجيش الهندي لها: «بعد ما صحينا جابوا لنا فطار وفضلوا يخدمونا لحد ما نزلنا من السفينة، في جيبوتى بقى كان في وفد من السفارة المصرية مستنينا والسفير بنفسه استقبلنا، خلصوا لنا كل الإجراءات وقالوا لنا إحنا مرتبين ليكوا كل حاجه لحد ما ترجعوا مصر».
وتابعت: «بس قبل ما نسافر بقى، السفارة مضتنا على إقرار أننا لما نرجع مصر ندفع فلوس التذاكر اللي مصر دفعتها لنا، بعيد عن أن طز في الفلوس، وأن كتر خيرهم في كل الأحوال، بس ليه الهند هي اللي تنقذنا من الخطر و تسفرنا معاها وتأكلنا وتنيمنا وتعالجنا، وكل دا من غير ولا مليم، ومصر اللى هي ( أمى )، تمضينا على إقرار نرجع الفلوس اللى دفعوها لنا ؟؟».
وأردفت: "المهم إن إحنا سافرنا من جيبوتى لإثيوبيا و من إثيوبيا لمصر، وهنا بقى مصر استقبلتنا، أول ما وصلنا المطار كانوا مقدرين قوى قد إيه إحنا متمرمطين بقالنا أسابيع، فمباحث المطار أخذت باسبورتنا و قعدونا ساعة ونص وبعدين مشونا، عموما، أنا مبسوطة بالرحلة دى كلها".
خدمات المحتوى
|
تقييم
محتويات مشابهة
محتويات مشابهة/ق
الاكثر تفاعلاً
الافضل تقييماً
الاكثر مشاهدةً
الاكثر ترشيحاً
الافضل تقييماً/ق
الاكثر مشاهدةً/ق
الاكثر ترشيحاً/ق
|
الرئيسية
الصور
البطاقات
الأخبار
المقالات
الصوتيات
السفارة المصرية تطالب المصريين العائدين من اليمن بثمن التذاكر
0 | 
0 | 
536 
